د ډیجیټل لب موخه د بانک کارکوونکو ته د یوه متقابل او نوښتګر چاپېریال برابرول دي، څو د بانک له فعالیتونو سره لا ښه بلدتیا پیدا کړي، نوي مهارتونه زده کړي او له هغو ټکنالوژیو او ډیجیټلي حللارو سره عملي تجربه ترلاسه کړي چې د پېرودونکو د بانکي خدمتونو د تجربې د لا ښه کولو لپاره ترې ګټه اخیستل کېږي.
همدارنګه، د زدهکړو او مسلکي پرمختګ له څانګې (Learning & Development Department) سره په همکارۍ، پلان لرو چې د پوهنتونونو او ښوونځیو محصلینو او زدهکوونکو ته هم د ډیجیټل لب د لیدنې هرکلی ووایو. دغه لیدنې به هغوی ته فرصت برابر کړي، څو د افغانستان بین المللی بانک، د هغه د محصولاتو او خدمتونو، او د ډیجیټلي بانکوالۍ د راتلونکي په اړه لا ډېر معلومات ترلاسه کړي.
د ډیجیټل لابراتوار پرانیسته د نوښت، زدهکړې، ډیجیټلي کېدو او د یوه لا پراخ او ټولشموله بانکي نظام د رامنځته کولو په برخه کې د افغانستان بین المللی بانک د دوامدارې ژمنتیا څرګندونه کوي.
